2019 оны 4 дүгээр сарын 3-р арав хоногийн ХААЦУ-ын тойм.

Агаарын температур: Нийт сумдын нутгаар арав хоногийн агаарын дундаж температур 7.5-10.2 градус дулаан, агаарын хамгийн их температур 21.6-24.7 градус дулаан,   хамгийн бага температур  -4.8…-10.9 градус хүйтэн.  Хөрсний дундаж температур  8,8-19.3 градус дулаан, хамгийн их температур 35.7-60,4 градус дулаан,  хамгийн бага  температур -9.0... -16.3 градус хүйтэн байлаа.

Хур тунадастай өдрийн тоо, тунадасны хэмжээ: Ихэнх сумдын нутгаар 0.0-5.1мм-ийн тунадас 1-4 өдөр орсон.

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал, Зүүнбүрэн, Баруунбүрэн, Зэлтэр, Хүдэр, Бугант, Хушаат  сумдын нутгаар 14-20м/с, бусад сумдын нутгаар 8-12м/с хүрсэн байна.  

Бэлчээрийн ургамал: . Нийт сумдын нутгаар ургамал цухуйсан,  ургамлын өндөр 0-3 см, ургалтын байдал 30  хувьд нь сайн, 70 орчим хувьд дунд байна.

Хөрсний чийгшил:  Тариалангийн   талбайн 0-20см-ийн гүнд  Баянгол, Цагааннуур, Орхон сумдын нутгаар хангалтгүй, Орхонтуул дунд, Мандал, Ерөө хангалттай, 0-50см-ийн гүнд Баянгол Цагааннуур, Орхон сумдын нутгаар  хангалтгүй, Ерөө, Орхонтуул, Мандал сумдын нутгаар хангалттай гэсэн үнэлээтэй. Бэлчээрийн талбайд 0-20, 0-50см-ийн гүнд Орхон, Баянгол, Ерөө хангалтгүй байна.

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд:  МАА-н үйлдвэрлэлд  ихэнх сумдын нутгаар  бог бод мал төллүүлэх, мал оторлох, газар тариалангийн үйлдвэрлэлд хаврын хагалгаа, үр суулгах ажилууд  явагдаж байна.

                                                                                           Тойм бичсэн               Р.Шинэбаяр