2017 оны 7 дугаар сарын 1-р арав хоногийн ХААЦУ-ын тойм

Агаарын температур: Арав хоногийн агаарын дундаж температур  20.8– 23.2 градус, агаарын хамгийн их температур 33.1 –38.0 градус, хамгийн бага температур  5.4-8.5 градус дулаан.  Хөрсний дундаж температур  25.0 – 32.2 градус ,  хамгийн их температур 51.5– 66.3 градус дулаан,  хамгийн бага температур  4.8-8.2  дулаан  байлаа .

Хур тунадастай өдрийн тоо, тунадасны хэмжээ:   Энэ  арав хоногт   нийт сумдын нутгаар   2-6 удаа  тунадас орж Цагааннуур, Ерөө, Зүүнбүрэн, Зэлтэр, Хүдэр  сумдын нутгаар  23,5-34,4 мм , бусад сумдын нутгаар  0,6– 19,1мм  орсон байна

Салхитай өдрийн тоо,  хамгийн их хурд:  Салхины хамгийн их хурд Ерөө, Сүхбаатар,  Орхонтуул, Орхон, Мандал  сумдын нутгаар  15-21м/с, бусад сумдын нутгаар 9-14м/с, салхитай өдрийн тоо ихэнх сумдын нутгагт 1-9 өдөр салхитай байлаа.  

Бэлчээрийн болон таримал  ургамлын  өндөр, ургалтын балл: Ургамлын өндөр 4-51см, Нутгийн 60 гаруй хувьд нь сайн, 30 гаруй хувьд дунд, 10 орчим нь зуншлага муу байна. Улаанбуудайн ургалт ихэнх  сумдын нутгаар сайн,  ургамлын өндөр  33-62см  байна

Хөрсний чийгшил:  Улаанбуудайн  талбайн 0-20см Ерөө, Цагааннуур сумдын нутгаар хангалттай бусад сумдын нутгаар хангалтгүй, 0-50см Ерөө, Цагааннуур сумд дунд, бусад сумдын нутгаар хангалтгүй,  0-100см –т Цагааннуур, Ерөө, Орхон сумдын нутгаар дунд,  бусад сумдын нутгаар хангалтгүй.  Бэлчээрийн талбайд 0-20см-т Орхон, Ерөө  хангалтгүй, Баянгол дунд,  0-50см Орхон, Ерөө сумдын нутгаар   хангалтгүй,  Баянгол  дунд гэсэн үнэлгээтэй байна.

Бэлчээрийн болон таримал  ургамлын хөнөөлт хортон шавьж, царцаа, мэрэгчдийн  ажиглалт: 1-арав хоногт ихэнх сумдын  нутгаар  бараан далавчит, тоонолжит, барабины таршаа ажиглагдсан.бөгөөд  1м²  хүрээнд  дунджаар 1-9 тоологдсон  Мандал суманд царцааны хэт олшролт ажиглагдсан. Таримал ургамалд Баянгол, Зүүнбүрэн сумдуудад бараан далавчит, барбины таршаа, тоонолжилт, гессений ялаа ажиглагдсан. Бусад сумдын нутгаар нисэгч болон хөнөөлт хортон шавьж ажиглагдаагүй. 

Хөдөө аж ахуйн үйлдвэрлэлд: МАА-н үйлдвэрлэлд  мал оторлох, хонь хяргах,  бод мал төллүүлэх ажилууд үргэлжилж байна.  Газар тариаланд төмс, хүнсний ногоо услах, уринш боловсруулах,  хор цацах   ажилууд явагдаж  байна.

Тойм бичсэн             Г. Мөнгөнтуяа