2018 оны 5 дугаар сарын 3-р арав хоногийн ХААЦУ-ын тойм

Агаарын температур: Арав хоногийн агаарын дундаж температур  14.6-17.6 градус буюу  нийт сумдын нутгаар 1.2-4.9 градусаар олон жилийн  дунджаас  дулаан,  агаарын хамгийн их температур 32.8-35.8 градус  дулаан,   хамгийн бага температур  -2.4…-5.5 градус хүйтэн  байлаа.  Хөрсний дундаж температур  20.9 – 27.5 градус ,  хамгийн их температур 49.9 -66.8 градус дулаан,  хамгийн бага температур  -3.5…–8.8 градус хүйтэн байлаа.

Хур тунадастай өдрийн тоо, тунадасны хэмжээ:   Энэ  арав хоногт хур тунадас  нийт сумдын  нутгаар  0.5- 10.9мм, Хүдэр 4,8мм-ээр дунджаас ахиу,  Баруунбүрэн, Зүүнбүрэн сумдын нутгаар 0,8-4,8 мм-ээр   ожд- ийн орчим, бусад  сумдын нутгаар 1,5-6,1мм-ээр  ожд-аас бага  тунадас орсон байна

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Цагаанннуур, Ерөө, Баянол, Орхон Мандал, Орхонтуул,  Хүдэр, Зүүнбүрэн, Хушаат  сумдын нутгаар  14-25м/с, бусад сумдын нутгаар 8-9м/с, салхитай өдрийн тоо ихэнх сумдын нутггаар  1-9 өдөр салхитай байлаа.  

Бэлчээрийн ургамлын үе шат, өндөр, ургалтын балл: 5-дугаар сарын 31-ны байдлаар ургамлын ургалтын байдал нутгийн 70  хувьд нь хэвийн, 30 орчим Орхонтуул, Мандал, Сант, Сайхан, Хушаат сумдын нутгаар дунд байна.  Бэлчээрийн ургамлын өндөр 6-17 см, ургацын хэмжээ Баруунбүрэн, Орхон, Түшиг,  сумдын нутгаар 0.2-0.8ц/га, Орхонтуул, Хушаат, Хүдэр, Ерөө, Бугант, Зүүнбүрэн сумдын нутгаар 1.4- 2.6ц/га,  Мандал, Цагааннуур, Сүхбаатар, Баянгол сумд 3.0-5.1ц/га байна.

Хөрсний чийгшил:  улаанбуудайн талбайн 0-20см-ийн гүнд  Баянгол , Орхон, Цагааннуур сумдын нутагт хангалтгүй,  Ерөө, Орхонтуул сумдын нутгаар  дунд, 0-50см-ийн гүнд Баянгол, Орхон, Цагааннуур сумдын нутгаар  хангалтгүй, Орхонтуул Ерөө сумдын нутгаар  хангалттай, Бэлчээрийн талбайд 0-20см-т Орхон, Баянгол хангалтгүй,   Ерөө  дунд,  0-50см  Орхон , Баянгол  хангалтгүй, Ерөө хангалттай байна.

Бэлчээрийн ургамлын хөнөөлт царцааны ажиглалт: Сүхбаатар, Түшиг, Ерөө, Орхонтуул, Зүүнбүрэн , Хушаат сумдын нутгаар бараан далавчит, тоонолжилт царцаа 1м²  хүрээнд дунджаар 1-2  ажиглагдсан. Бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд   ихэнх сумдын нутгаар  бод мал төллүүлэх, мал  оторлох  ажил үргэлжилж байна. Нийт сумдын нутгаар  төмс, хүнсний ногоо, буудай тариалах, уринш бэлтгэх ажилууд явагдаж байна.

 Тойм бичсэн                     Г. Мөнгөнтуяа